«Көне Тараз» тарихи-этно мәдени кешенінде өткен Халықаралық қолөнершілер фестивалі аясында Жамбыл облыстық тарихи-өлкетану музейінің қорынан жасақталған «Балбал тастар құпиясы» атты жылжымалы көрме көпшілік назарына ұсынылды.

Аталған көрмені Тараз қалалық мәслихатының өкілдері арнайы келіп тамашалап, тарихи жәдігерлермен танысты. Көрме барысында ежелгі түркі дәуірінен сыр шертетін балбал тастардың мән-маңызы, олардың жасалу ерекшеліктері мен тарихи құндылығы кеңінен насихатталды.